Nasjonaal Kongres fan Amerikaanske Yndianen

Nasjonaal Kongres fan Amerikaanske Yndianen National Congress of American Indians
algemiene ynformaasje
ôfkoarting	NCAI
nasjonaliteit	Amerikaansk
type org.	feriening
wurkmêd	minskerjochten
haadkertier	Washington, D.C.
oprjochte	1944
fuortk. út	National Council of American    Indians
offisjele webside
ncai.org

It Nasjonaal Kongres fan Amerikaanske Yndianen (Ingelsk: National Congress of American Indians), gauris ôfkoarte ta NCAI, is in Amerikaanske minskerjochte-organisaasje dy't opkomt foar de rjochten fan Yndianen, Inûyt en Aleoeten yn 'e Feriene Steaten. De NCAI waard yn 1944 oprjochte, en it haadkertier is fêstige yn Washington, D.C. De organisaasje set him yn foar it behâld fan 'e lânseigen kultueren yn 'e Feriene Steaten, en kantet him oan tsjin oerheidsbelied dat rjochte is op 'e ôfskaffing of opheffing fan rjochten fan lânseigen befolkingsgroepen en harren assimilaasje troch de blanke Amerikaanske kultuer.